пұшпақ
1. Малдың, аңның сирақ терісі. Пұшпақ ішік. 2. ауыс. Белгілі бір кеңістіктің, мекеннің, көшенің бір шеті, бөлігі. Отанымның әр пұшпағы мен үшін қасиетті (Нұрмұхамедов). 3. ауыс. Әңгіменің, сөздің шет жағасы, бір ұшы. Әңгіменің бір пұшпағы. Пұшпағы қанамаған – бала көтермеген, бала сүймеген. Пұшпағына да татымайды [тұрмайды] – ширегіне де келмейді. Пұшпағынан сабылды – болдырды, шаршады. Пұшпағына түсті [пұшпағын соқты, пұшпағынан келді] – өте ұзын болып сүйретіліп жатты. Пұшпағын ұстады – бір билікке ие болды. Пұшпақ алдырмады – малдан шығын шығармады, мал басы аман болды