пісу
I1. Шикі тамақтың от күші арқылы адам тамақтанатын дәрежеге жетуі. Піскен астың күйігі жаман (Мақал). 2. Жемістің, егіннің, бау-бақша өсімдіктердің дәні толып жеуге жарауы. Піскен егін (күріш). 3. ауыс. Малдың семіріп ет алып жетілуі, қоңдануы. Қанапия жайлаудың қозысы пісіп , қымызы көбейгенде ұзатылмақ (Сатаев). 4. ауыс. Кемеліне келіп, әбден иі қану, шегіне жету. Әңгіме пісті, сөзі пісті. 5. ауыс. Көнбіс болып шынығу, ширау; пысу. Еңбекке піскен, тәртіпке піскен
II
Саба мен күбінің ішіндегі қымызды, іркітті, қаймақты піспекпен күрпілдетіп, бабына келтіре шайқау. Қымыз пісті
III
1. Ұшы үшкір құралмен түйреу, шаншу. Ол қолындағы пышақты көкжалдың жұқа шабына пісіп қалды. 2. ауыс. Сөзбен қадау, бетін қайтару. Ол тілін бір пісіп алды (Тұрлыбаев)