сан
IМал мен аңдардың артқы аяғының тірсегіне дейінгі, адам аяғының тізесіне дейінгі бөлігі. Оқ жігіттің санына тиіпті (Т.Нұртазин). Санын соқты [ұрды] – алданды, өкініште қалды. Санын шапалақтады – қуанды, шаттанды
II
1. Белгілі бір заттың, құбылыстың есеп мөлшері. Жаудың саны аз көрінеді (С.Әбішев). 2. Есеп мөлшерінің таңбалау, жазу белгісі. 3. Газет-журналдардың номері. Газеттің келесі саннда өлеңдерім шықпақшы. 4. көне. Он мың деген мағынадағы сөз. Оның қолында он сан ноғай бар еді ("Батырлар жыры"). Сан алуан [қилы] – толып жатқан, әр түрлі. Сан есім (грамм) – заттың санын, ретін, есебін білдіретін сөз табы. Санда бар, санатта жоқ – еске алмайтын, ескермейтін. Сан рет – өте көп, әлде неше қайта. Сан саққа жүгіртті – әр түрлі айып тақты, кінәлады, әуреге түсірді, мың құбылтты