соғу
1. Періп жіберу, ұру. Темірді қызған кезде соқ ! (Мақал). 2. Аттың сауырына қамшы басу. Боз аттың сауырына құлаштап бір соқты (Д.Әбілбаев). 3. Тарсылдату, қағу. Мен есікті ұзақ соқтым. 4. Бір жерге бару, аялдау, тоқтау. Шоқан Қызылжарға бұрын да бірер соққан (Ақышев). 5. Металдан әр түрлі бұйым, құралдар жасау. Әкем білезік, сақина соқатын шебер еді. 6. Ғимарат, үй құрылыстарын тұрғызу, салу. Ол жазда кесек құйып там соқты (Т.Әлімқұлов). 7. ауыс. Тамақты ашқарақтана жеу, қомағайлана асау. Қарнымыз ашып, алдымыздағы тамақты лезде соғып алдық ("Лен.жас"). 8. ауыс. Бір нәрсені көйіту, бөсу. Шәріп өтірікті әбден соқты (Мәшһүр Жүсіпов) Соғып алды – аңды ұрып ұстап алды. Соғып салды – а) сойып салды, ұрып тастады; ә) сөзбен аузын аштырмады