сызу
I1. Қарындаш пен қаламмен қағаз бетіне сызық жүргізу, чертежін салу. Жерлерді сызып беруге сауатым жоқ (Әбдіхалықов). 2. Жазған жазуды жоқ қылу, өшіру. Мақаламның керек емес жерлерін сызып тастады ("Қаз.әдеб"). 3. Белгілі бір сөздің, сөйлемнің астына қаламмен белгі соғу. Хаттың кейбір жерлердің астын көк сиямен екі сызады (Қаназов)
II
1. мат. Чертеждерді орындау және оқу жайындағы мағлұматтарды баяндайтын пән. Мен сызудан сабақ беріп жүрмін ("Қазақст.мектебі"). 2. Бір нәрсенің жөн-жобайын нақты көрсеткен белгі. Қабырғадағы әдемі өрнектер Бас зергердің сызуымен жасалған (Д.Досжанов). 3. ауыс. Оқу, жазу. Екі ұлым да орысша жазу, сызу біледі (М.Жұмағұлов)