сын
I1. Белгілі бір істі орындауға байланысты байқау, сынау, тексеріс. 2. Жұмыстың жақсы, жаманын талдап, екшеп айтылатын пікір. Газетте сынның ұшығы тиген біреулер редакцияға келеді (Сатыбалдиев). 3. Жағымсыз қылық ушін тағылатын айып, кінә, мін. Сенің осы қылығыңа қояр сыным көп (Ғ.Омаров). Сын мақала – белгілі бір шығарманың жетістігі мен кемістігін көрсеткен мақала. Сынға алды – сынады, мінеді, айып тақты. Сын көзбен қарады – жан-жақты, терең ойлы. Сын сағатта – қысылтаяң кезде, шешуші күн туғанда. Сынға салды – талқыға түсірді, сынаққа түсті
II
Табиғи бітім, сән, қалып. Сырлы аяқтың сыры кетсе де, сыны кетпейді (Мақал). Сын есім (грамм. ) – заттың түр-түсін, сапасын білдіретін сөз табы. Сыны кетті (қашты) – сәні кетті, сиқы бұзылды