сырт
IБір нәрсенің ішіне қарама-қарсы жақ, тыс. Үйдің сыртында анадай барып қарап тұрмын (Соқпақбаев). Сырт дүние – қоршаған орта, айнала, төңірек. Сырт естуі – бөгде біреудің айтуы. Сырт киім – ішкі киімдердің сыртынан киілетін киім. Сырт хабар – біреу арқылы естілген хабар. Сырт адам (кісі) – бөгде кісі, бөтен кісі. Сырт айналды (берді) – теріс қарады, қашқалақтады. Сырт қалды – шеттеп қалды, еленбеді. Сырттан (сыртынан) тон пішті – анығына көз жеткізбей құр долбарлады. Сырты бүтін, іші түтін – көңілі жарым, ісқұса. Сыртына шығармады – сыр бермей ішке букті, ішінен тынды
II
сырт етті
– Тырс етті