талау
I1. Иттің, қасқырдың және басқа жыртқыш аңның тістеп, жұлып жара түсіруі. Қасқырға шабатын төбеттер бұны талап та тастайды (М.Әуезов). 2. Ара, маса, сона сияқты жәндіктердің денені шағып дуылдатуы. Маса талады, ара талады. 3. ауыс. Елді тонап шауып алу, тартып алу. Қазына-мүлкін талады, жерін шапты (Есенберлин)
II
Асқан жүйрік, асыл тұқымды мініс аты. Тұлпардан туған талаудың, Артынан телміріп қиқу таянса, қара терге боянса (Ер Тарғын). Тұлпар туған бурылды талауым деп мінейін (Қобыланды батыр)