тәтті
1. Дәмі қант, бал сияқты жағымды, тіл үйіретін. Тәтті жүзім (қауын, алма). 2. Бал, қант, кәмпит. Баланы тәттіге тәттійір қылмау керек. 3. ауыс. Артық, қымбат, жақын. Ата-анадан мал тәтті, алтынды үйден жан тәтті (Мақал). 4. ауыс. Жанға жайлы, ұнамды, жағымды. Құлақтан кіріп бойды алар, Жақсы ән мен тәтті күй (Абай). 5. ауыс. Ынтымақты, тату, сыйлас. Боп жүрді екі жағы тәтті құда (Жансүгіров). Тәтті аузының дәмін кетірді – өз қадірін өзі кетірді, жек көрінішті болды. Тәтті тамыр [түбір] – қант қызылшасының жемісі. Тәтті тіл – жанды еріткен жақсы сөз, әңгіме. Тәтті ұйқы – тырп етпей, рақаттана ұйықтаған ұйқы