тобық
1. Адам аяғы жіліншігінің төменгі жағын өкшемен байланыстырып тұратын дәнекер томпақ сүйек. Аяғын тобық үстінен байлап алыпты (Тоқаев). 2. Малдың ортан жілігі мен асықты жілігінің түйіскен жеріндегі сан етінің сіңіріне орналасқан жұмыр сүйек. Аттың тобығынан жоғары жылан шаққан жерін сора бастады (Тарази). Тобығынан келмейтін – тең түсе алмайтын, тең емес. Тобық ойнау (этногр. ) - қыз-келіншектер мен жас жігіттердің бір-біріне тобық беріп, күтпеген жерде қайта сұрап ұту ойыны. Тобықтан қақты – қысастық қылды, опасыздық жасады