тоғыз
1. Сегізден кейінгі есептік сан. Тоғыз сом (сағат, жыл). 2. ауыс. Қазақтың ескі дәстүрі бойынша үлкен жиын-тойда ат бәйгесінде берілетін сыйлық. Мынау атамның өзіңізге тартқан тоғызы де (Т.Нұрмағамбетов). Тоғыз жолдың торабы – сан жолдың түйіскен, тоғысқан жері. Тоғыз көзді кіреуке – эпостық жырдағы батырлар киімінің бір түрі. Тоғыз қабат торғауыт – терінің әр түрлі: жіңішке, жуан тіліктерінен бірнеше қабаттап жапсырып, түрлі өрнек салып, бояп жасайтын монғолдың тері сауыты. Тоғыз қабат торғауыт, Сегізінен өтеді (Ер Тарғын)