толғау
I1. Бұрай қозғап, үйіре айналдыру, шиыру. Желкеден сығып толғаған азу босатар емес (Жүнісов). 2. Мақамға қосып, жыр ғып шерту. Ол қазір Едігеге арнап айтқан жырын толғап отыр (Есенберлин). 3. Бір нәрсе жайында терең ойға шому. Нақыл сөздермен ой толғап үйрендім (М.Әлімбаев). 4. Жалмау, жеу, жұту. Жалмауыз сиырлар аузына түскен нәрсені толғап жей салады (Диал.сөз). Толғап тартты – садақты кере тартып атты
II
Жырау мен ақынның белгілі бір оқиғаға немесе біреуге арнап төгілтіп айтқан өлеңі, жыры. Тоқтағұлдың толқын атқан толғауын жырладым (Шипин). Толғау толғады – жыр шертті