шақ
I1. Мезгіл, мезет, кез. Түс шағында, балалық шақ. 2. грамм. Іс -әрекет, қимылдың өткен кез, осы мерзім, келер уақытқа тәндігін білдіретін етістік категориясы. Келер шақ, осы шақ, өткен шақ
II
1. Дәл, лайық, құйып қойғандай. Баланың өзіне шақ киім. 2. ауыс. Қысқа, келте, аз, шағын. Мақсұт – алыс, өмір - шақ (Абай). Шақ келмеді – дәл келмеді, дес бермеді, шыдатпады
III
Әрең, зорға, сәл. Арқан үзілуге шақ қалды. Шақ отыр – зорға, әрең отыр
IV
шақ етті
– 1. Бір нәрсенің екінші бір нәрсеге тақ етіп тиген дыбысы. 2. ауыс. Адамның бірдеңеге дереу ашу шақырып, бастырмалата жөнелуі