шалма
I1. Басты айналдыра орайтын ендей мата, сәлде. Бастарына дағарадай ақ шалмаларын ораған әжелер (М.Естаев). шалма ораған екі шал. 2. Түбіттен не түйе жүнінен тоқылған немесе матадан жасалған мойын орағыш. Мойынына шалма салды
II
Ұшы тұйықталған ұзын арқан, бұғалық. Асауға шалманы дәл тастады. Шалма тастам жер – бұғалық ұзындығындай қашықтық. Шалма сөз – кекетінді қитұрқы сөз
III
Бас бармақпен сұқ саусаққа іліп тартып, түрлі өрнек жасайтын ойын аты
IV
Жіпті не таспаны ары-бері өткізіп тоқу мен өрім өру әдісінің атауы. Шалма – өрмек тоқу өнерінің бір әдісі (Қасиманов)
V
Уықтарды қисайып, бұралып кетпеуі үшін кереге басына шалмалап байлайтын құр. Кейде шағыш, иық бау деген атауларға да ие