шар
I1. Өз диаметрімен айналудан пайда болатын геометриялық дене, геометриялық фигура. Шардың радиусы. 2. Үрген қарын іспетті жеңіл домалақ зат. Түрліше боялған шарларды балалар қосақтап ұстаған. 3. көне. Ертеде сайлау жүйесінде қазіргі бюллетень орнына қолданылған да домалақ тас. Сенің шарыңмен Оспан болыс болмаса болмай-ақ қойсын (М.Әуезов). Шар айна – төрт бұрышты үлкен айна, трюмо. Шар қой – кәрі қой. Шар тарту – егде тарту, мосқалдану. Шар тарап – әлем, төрт тарап, төрткүл, дүние, жердің төрт бұрышы
II
тар. Дау-дамай, шатақ. Ақылың болса, жарқыным, Жіберме шарға ісімді (Қамбар батыр). Басын шарға салды – дау-жанжалға ұшырады
III
Қырманда үгітіліп, қауызынан ажыратылған, дәні сапырылып желге ұшырылмаған астық. Қане, астық келгенше анау шеткі шарды сапырып тастаңдар
IV
Шұбырынды із, шиыр. Қойдың шарынан аттың ізін ажыратты
V
Тас, шағыл. "Жылқы деген жануар, тоқталмайды сусылдап, жайылған жері шар болса" ("Базар жырау")
VI
жерг. Шарық, шарық қайрақ
VII
шар етті
– Баж етті, қатты дауыстап жіберді. Шар тартты – егде тартты, самарқауланды, қартайды. Қартыңның ойы шар тартты (Абай)