шырақ
1. Шырағдан, шам (май шам). Үйдің терезесінен шырақ көрінбейді (Н.Ғабдуллин). 2. Ескі. Бейіт басына барғанда өлген адамға арнап жағатын жарық. "Өлген адамға арнадық" деп шырақ жаққан (Абай). 3. ауыс. Жеңгесінің қайындарын еркелете айтатын сөзі. – Шырақ, мынауың не? – деп жеңгесі үрке қарады (Б.Соқпақбаев). Шырағы қайта жанды – а) өшкен оты қайта түтеді; ә) көзі қайтадан көретін болды. Шырағы өшті [сөнді] – түтіні өшті, үйі иесіз қалды. Шырақ алып түсті – соңына түсті, қудалады