қабақ
I1. Көз аңғалағының үстіңгі жағындағы шығыңқы сүйек. Қабағы түксиген, қабақ ғын керді. 2. ауыс. Адамның көңіл күйі, мінез-құлқы. Шал жылы қабақ көрсетті. Қабағы ашылды [жазылды] – көңілі көтерілді, жаны жадырады. Қабағы жылыды- жылы шырай көрсетті, мейірімі түсті. Қабағы жібімеді – жылы шырай бермеді,- көңілденбеді. Қабағы келіспеді – көңіл-күйі болмады, жабырқады. Қабағы кіржиді – ұнатпады, жақтырмады. Қабағы кірбің тартты [қабағын кірбің шалды] – көңіліне қаяу түсті, бір нәрсеге ренжіді. Қабағы қатыңқы [жабыңқы, салыңқы, түнеріңкі, түсінкі] – көңілі жабырқаңқы, ренжулі. Қабағым тартты – қуанышқа не ренішке жору ретінде айтылады (ырым). Қабағына [қас-қабағына] қарады – көңілін аулады, ренжітпеді. Қабағынан қар жауды – қаһарына мінді, сұстанды. Қабағын аңдыды [бақты] – көңіл-күйіне қарай әрекет етті. Қабағын [қабақ] ашпады – көңілденбеді, түнерді, түксиді. Қабағында кірбің бар – бір нәрсеге ренжулі, көңілсіз. Қабағын қарс жапты – қатты ашуланды, түнерді, түксиді. Қабағын [қабақ] түйді – ашуланды, ренжіді, жақтырамады. Қабағының астымен қарады- ұрлана көз тастады. Қабағы түсті [салбырады] – ренжіді, түнерді. Қабағы тырысты – ұнатпады, жақтырмады. Қабақ бермеді – жылы шырай көрсетпеді. Қабақ білдірді – сыңай танытты, аңғартты. Қабақ қақты – ымдады, белгі берді. Қабақ [қабағын] түйді – қой деген белгі берді, қорқытты. Қабақ [қабағын] шытты [шытысты] – бір нәрсеге ренжіді, кейіді
II
Жардың, шатқалдың екі жағасындағы биік жер, үсті. Үй тік жардың қабағына тігілген
III
1. Бақша өсімдігі асқабақтың қысқартып айтылған түрі. 2. Асқабақтың желінбейтін түрінен жасалған ыдыс