қабылдау
I1. Бір нәрсені қабыл алу, өткізіп алу. Мың тонна астық қабылдады. 2. Біреуді мекеменің, ұйымның мүшесі етіп алу. Жұмысқа қабылдады. 3. Мекеме басшысының қызмет бабында біреумен кабинетінде ресми түрде кездесіп сөйлесуі. Ол кісі бүгін қабылда майды. 4. ауыс. Дұрыс көру, мақұлдау, құптау. Мұны жұртшылық ықыласпен қабылдады
II
Адам миында болатын түсіну, сезіну процесі. Тәжірибе арқылы тексеріп көру - қабылдаудың дұрыстығының бірден бір өлшемі (Жарықбаев). Қабылдау бөлмесі – келушілерді қабылдайтын арнайы орын; қабылхана. Қабылдау емтиханы – оқу орнына түсушілерге жүргізілетін сынақ. Қабылдау комиссиясы – бір нәрсені қабылдау үшін арнайы құралған адамдар тобы. Қабылдау күні – лауазымды басшылардың азаматтарды өтініші бойынша белгіленген мерзімде қабылдайтын уақыты; Қабылдау пункті – белгілі бір затты қабылдап алатын жер