қадам
1. Жүру кезіндегі екі аяқтың аралық қашықтығы, адым. Ұзыны сексен қадам , көлденеңі елу қадам (Сматаев). 2. ауыс. Жаңадан басталған іс-әрекет. Кім біледі, бұл қадам былайғы өміріне өзгеріс әкелер (Жақсыбаев). Қадам басқан сайын – сәт сайын, әр уақыт. Қадам басты – а) бір жаққа қарай кетті, жүрді, бет алды. ә) белгілі бір әрекетке тәуекел етті, бел байлады. Қадамын [әр қадамын] аңдыды – біреудің әрбір іс-әрекетін, жүрген жүрісін бақты. Қадамын ілгері аттатпады ісіне кедергі жасады, аяғынан шалды. Қадамыңа гүл бітсін [нұр жаусын] – ісің сәтті болсын, бақытқа жет. Қадамың құтты [қайырлы, баянды] болсын – мақсат-мұратыңа жет