қадір
Жақсы қасиет, бедел, сый, құрмет. Қадірі жоқ, қадірі мол; қадірін түсінді, қадірін білді. Қадір түні (діни) – ораза айының соңғы түндеріне сай келетін қасиетті түн. Қадір түніндей күтті – қадір түнін ұйықтамай өткізеді. Қадір тұтты – қадірледі, қастерледі, құрметтеді. Қадірі артты [асты] – абырой-атағы, беделі өсті. Қадірі кетті [түсті] – абыройдан айрылды, беделі қалмады. Қадірі қалмады -– қадір-қасиетінен айрылды, құны түсті. Қадірі қашты – қадірі кетті, сый-құрметтен айырылды. Қадіріне жетті [жетпеді] – қастерледі, қадірледі. Қадірі өтті – зарын тартты, құнын білді