қанат
I1. Құстың, шыбын-шіркейдің, т.б. жәндіктердің ұшу қызметін атқаратын дене мүшесі. Құстың қанаты. 2. Самолеттің жерден көте-рілуіне, ұшып-қонуына қажетті негізгі бөлшегі. 3. Балықтың жүзуіне көмектесетін дене мүшесі. 4. Арба-шананың үстін кеңейту үшін жасалған шарбақ ағаш. 5. Шепте тұрған әскердің, футбол, волейбол алаңының екі жақ бөлігі. Жаудың сол қанатына шабуыл жасадық. 6. ауыс. Таяныш, тірек. -Апа, деді екі жас. -Ау, қарақтарым, қанаттарым (Сыланов). Қанат байлап ұшты – асығып жетті, аяқ-қолы жерге тимеді. Қанат бітті (бітірді) – шабыттанды, рухтанды. Қанат жайды – а) өсті, өркендеді, дамыды; ә) етек алды, жайылды, таралды. Қанат қақты – талпынды, ұмтылды. Қанаты бекіді – бұғанасы қатты, ер жетті. Қанаты қайырылды – амалы таусылды, мысы құрыды. Қанатын жайды – екі қолын жайып жіберді. Қанатын қиды – үмітін кесті. Қанатының астына (қанатына) алды – қамқорлық жасады, пана болды
II
Керегенің көктелген әрбір, жеке бөлігі. Он екі қанат ақ орда