қарау
I1. Назар аудару, көз жіберу. Жабықтан (терезеден) қарады. 2. Іздеу, қарастыру. Аң қарады, кен қарады. 3. Көру, тексеру, аңғару, бағу, байқау , бақылау. Мұғалім оқушылардың жазу жұмысын қарады. Дәріні үш мезгіл ішіп қарадым. 4. Ескеру, елеу, ден қою. Біз адамдарды ісіне қарап бағалаймыз. 5. Күту, тосу, бөгелу. Кешкі асқа (тамаққа) қарады. 6. Бағып-қағу, күту, баптау. Малды қарады, ауруға қарады. 7. Біреудің қол астында болу. Енді біз басқа министрлікке қараймыз. 8. Есептеу, санау, ойлау. Кім де кім арманына жетсе, мен оны бақытты деп қараймын. 9. Ауу, өту, қадам басу. Жексенбіге қараған түні жүріп кетті. 10. Арнайы сөз ету, талқылау. Ғылыми Кеңес алдағы жылдың жоспарын қарады. Қарайтын бет қалған жоқ – ұятты болды. Қарап жатты [отырды, тұрды, жүрді, қалды] – а) бір нәрсеге көз салды; байқады, барлады; ә) еш нәрсе істемеді, әрекеттенбеді. Қарап жүрмеді [жатпады, отырмады, тұрмады, қалмады] – бір нәрсе істеді; тыныш жүрмеді
II
1. Әділ емес; қиянатшыл, зорлықшыл. Ол әдейі қарау жасайды. 2. ауыс. Қара ниет, арам. Түп тілегі қарау болғанымен қазір Есенейдің дәлелдері ұтымды (Ғ.Мүсірепов)