қуаныш
1. Бір нәрсеге қуану сезімі; шаттық. Қуаныш көп болсын! 2. ауыс. Біреудің көңілге медеу тұтарлық жұбанышы, қызығы. Көкаяқ біздің үйдің қуанышы еді (Жұмақанов). Қуаныш әкелді – қуантты, қуанышқа кенелтті. Қуаныш білдірді – бірге қуанды, қосыла қуанды. Қуаныш етті [қылды, көрді] –- қуанды, мәз болды. Қуанышқа батты [бөленді, кенелді] – мәз болды, шаттанды. Қуанышқа бөледі – қуантты, мәз етті. Қуаныш құтты [қайырлы] болсын – қуанышты адамға айтылатын игі тілек. Қуанышында шек жоқ [шек болмады] – қатты қуанды, шаттанды. Қуанышын жасыра [ішіне сыйғыза] алмады – мәз болды, шаттанды. Қуанышыңды жер көргір (қарғ. ) – жастай солғыр! Қуаныштан жүрегі жарылып кете жаздады – қатты қуанды, шаттанды. Қуанышы қойнына сыймады – мәз болды, шаттыққа бөленді