қуат
1. Күш, әл, дәрмен. Бойында қуаты бар жігіт. 2. Күнделікті ішетін астан алынатын, адам тіршілігіне қажетті нәр; каллорий. Жүгері дәнінің қуаты да жоғары (Құсайынов). 3. физ. Нақты уақыт бірлігі ішінде істелген жұмысқа тән физикалық шама; энергия. 75 мың киловат қуаты бар алты агрегат жұмыс істейді (Тәжіғұлов). 4. экон. Өндіргіш күш; пәрмен, қарқын. Заводтың қуаты екі есе артты (Жаңарған өлке). 5. ауыс. Медеу, тірек, сүйеніш. -Екеуінің тірі жүргендері бізге қуат (Жақсыбаев). Қуат алды – қуаттанды, жігерленді. Қуат берді – а) әлдендірді, күш қосты; ә) қайраттандырды, жігерлендірді. Қуат болды – медеу тұтты, сүйеніш етті. Қуат етті [қылды] – көңіліне демеу тұтты, дәтке қуат етті. Қуат кетті –күші кеміді, әлсіреді. Қуат көрді [тұтты] – демеу санады, тірек тұтты. Қуаты артты –- шама-шарқы өсті, күшейді. Қуаты қайтты – әлі кетті, күші азайды