қыз
1. Ұрғашы жынысты сәби, әйел бала. Әйелі қыз тапты. 2. Балағатқа толған қыз бала; бойжеткен. Екі қазақ қызы Совет Одағының батыры атағын алды (Ғ.Мүсірепов). Қыз айттырды – қызға құда түсті, сөйлесті. Қыз алып қашты (көне) – қызды әке-шешесінің келісімінсіз зорлықпен алып кетті. Қыз алып, қыз берісті – бір-бірімен құда-құдандалы болды. Қыздан туғандай (қыздың баласындай) – өте сүйкімді, әдемі. Қыздың жиған жүгіндей – өте әдемі, жинақы. Қыз көрді (қарады) –- ауыл аралап, қалыңдық іздеді. Қыз қуу (этногр. ) – қыз бен жігіт бірін бірі кезекпен қуып ойнайтын ұлттық ойын. Қыз мінезді – мінезі биязы, жұмсақ. Қыз танысу (этногр. ) – ұзатылатын қыздың ел-жұртымен қоштасу салты. Қыз ұзатты – қызды күйеуге берді, құтты орнына қондырды. Қызын қияға, ұлын ұяға қондырды – қызын күйеуге берді, ұлын үйлендірді