қызу
I1. Оттың, күннің қызуынан ысып кету. Қазан қыза бастады. 2. Адам денесінің ыстығы көтерілу. Денесі қызып тұр. 3. ауыс. Ішімдік ішіп масаю, масаңсу. Арақ ішіп, қызып отыр. 4. ауыс. Қарқындау. Пішен шабудың қызып жатқан кезі ғой (М.Хасенов). 5. ауыс. Көтеріліп кету, өршелену. Шын қызсам, сөзім жалын, Домбырам найза (Жамбыл)
II
Жылу әсерінен бір нәрсенің көгеріп, дәмінің бұзылуы; бүліну. Астық өздігінен қызып кетсе, оны желдету керек (Агроном. анықтамасы)
III
1. Оттың, күннің табы, ыстық леп. От қызуы. 2. Дененің ыстығы, температурасы. Сол күні қызуым қайта көтерілді. 3. Ішімдіктің әсері, уыты. Mастық қызуы не істетпейді. 4. ауыс. Қауырт, қарқынды. Жұмысқа қызу кірісіп кетті. Қызу еңбек – қарқынды, қызған еңбек. Қызу қолдады (қуаттады) – бір ауыздан мақұлдады. Қызу қанды – тез көтеріліп кететін, қызба