қызық
1. Қызықты, тартымды, тамаша көрініс. Көрген қызықтарын да айта алмады. // Той-думан, ойын-сауық. Өмір болса алда талай қызық бар. 2. ауыс. Жан рахаты, ләззат. Сенен көрген қызығым қайсы? 3. ауыс. Таң қаларлық, кездейсоқ жай. Ол мынандай бір қызықтың үстінен шықты. Қызығына (қызыққа) батты – тамашасын көрді, қызықтады. Қызығына түсті – бір нәрсенің ғызығына елітті. Қызығын көрді – рахатына батты, жақсылығын көрді. Қызық көрді – а) қызықтады, тамашалады; ә) қызық дәурен сүрді, рахатқа батты