үкі
I1. Түнде ғана ұшатын имек тұмсық, үлпілдек майда жүнді жыртқыш құс. Жақын маңнан үкінің даусы естілді (Күмісбаев). 2. Бас киімге, тағы басқа нәрсеге сәндік үшін қадайтын, үкінің үлпілдек жүні. Басында – бұлғақтаған үкі, қолында – домбыра, жігіттердің бәрі балуан, бәрі әншіл (Мағжан). Үкі бота (үкілі бота) – көз тиеді деген ұғыммен ноқтасына, төбесіне үкінің қауырсынын тағып сәнденген бота. Үкі көз – үкінің көзі секілді, бадырайған, үлкен көз. Үкі шабақ – Шабақ балықтың бір түрі
II
Қыста көлдің, өзеннің мұзын ойып жасаған суат. Жігіттердің үкі ойып, суға түсетін кезі емес пе (Дәуренбеков)