үш
IЕкіден жоғары сан. Мектеп жоңышқасы үш рет шабылады (Ақышев). 2. Пед. Оқушының білім дәрежесін анықтауда қойылатын орташа баға, Кім білсін, үш алды ма емтихан кездерінде (Мәуленов). Үш жүз (көне) – бұрынғы замандағы қазақ халқының ұлыстық, әкімшілік-аумақтық жағынан шартты түрдегі жер бөлігі, аймақ. Үш күндік пәни – қысқа өмір, өтпелі өмір. Үш мүйіз болды – үш топқа бөлінді, үш топ құрды. Үш тоғыз (айыбы, сыйлығы) – әр қайсысы тоғыздан тұратын үш сыйлық (айып). Үйірімен үш тоғыз (этногр. ) – олжалы бол, олжаң көбейсін деген мағынадағы тілек. Үш қайнаса (қайнатса) сорпасы қосылмайды – бірімен-бірі жуыспайды, байланыспайды, мүлде бөлек. Үш ұйықтаса түсіне (ойына) кірмеді – дәл солай бола қалады деп тіптен де ойламады
II
үш аяқ жорға– ара-тұра жаңылысып, текіректеп не желіп барып, жорғасын түзейтін жорға