әке
1. Балалы болған ер адам. 2. ауыс. Бір нәрсенің ең үлкені, зоры. Қуырдақтың әкесін түйе сойғанда көресің (Мақал). 3. жерг. Қарағым, қалқам. Арабшаға шорқақ ем, оқып бересің бе, әке ? (Майлин). Әкеңнің көз құны бар ма [қалды ма?] – жұмысың не, не ақың бар. Әкесі базардан келгендей – мәре-сәре, мәз-мейрам. Әкесін көзіне көрсетті – көрешекті көрсетті, білгенін қылды. Әкесін өлтірген жоқ – түк жазығы жоқ. Әкесін танытты [көрсетті] – сазайын берді, аямады. Әкесінің аузынан түскендей – айнымай тартқан, дәл өзі. Әкесінің қамшысы тиді (этногр. ) – баланың ұйқысы бұзылды, тынышсызданды. Әкесі өлгендей болды – қатты кейіді, жаман қиналды