өкіл
IБелгілі бір елдің, ұйымның мүддесін білдіретін, оны жүзеге асыратын ресми адам. Қазақстанның сол кездегі дербес өкілі Әшім Омаров болатын (Талжанов). 2. Белгілі бір топтың ұйымның, таптың атынан келген кісі. Бәріне де бізден сен өкілсің (Түменбаев). Өкіл ата – тумаған қамқор ата, әке. Өкіл әке – жастар қосылғанда туған әкенің орнына әке болған адам. Өкіл бала [қыз] – тумаған, бірақ туған баласынан кем көрмейтін баласы, қызы. Өкіл күйеу – қызды қолынан алған бөтен кісіге жігіт"өкіл күйеу" болады
II
Көкей, ой, көңіл. Өкіліне түспеді – көкейіне қонбады, көңіліне орнықпады. "Айтып еді бір сөзді, өкіліне түспеді" (Едіге батыр)