өңеш
1. Жұтқыншақ пен асқазан арасындағы ас жүретін жол. Жарты аяқ қымыз өңешінде тұрып қалған сияқтанды (С.Мұқанов). 2. ауыс. Ішіп-жейтін ас, құлқын. Өңеш үшін әйел сатудың сарқыншағы алыс-беріске айналды (Дөнентаев). Өңеш рагы – өңештен тамақ өтпейтін ауру; қылтамақ. Өңеші кең – парақор, жемқор. Өңеші кепті – сусады, шөлдеді. Өңеш қызартты – таласып-тармасты, дауласты. Өңешіне тықты – аузын алды, пара берді. Өңешінен [өңештен] өтіп кетті – ішіп-жеп қойды, қажетке жаратты. Өңешін жыртты – бақырды, айғайлады. Өңешін жібітті – сусын, ішімдік т. б. ішті. Өңешін созды – айғайға басты, өзеуреді, даурықты