өсек
Біреуді сыртынан даттап, кінәлап айтқан жалған сөз. Әлдекімдердің өсек ке таңғанына ол қатты күйінетін. Өсек бақты [қуды, аңдыды] – жұртты шағыстыруды күйттеді. Өсек басты болды – қаңқу сөзге, жаманатқа ілікті. Өсек гуледі [гуілдеді, лаулады] – өсек үсті-үстіне айтылды, жайылды. Өсек ерді – артынан сөз ерді, өсекке ілінді. Өсек жүргізді – дос-жаранның арасына от жақты, жауықтырды. Өсекке ерді – жалған сөзге сенді, алданды. Өсекке қалды – сөзге қалды, жамандалды. Өсекке шалынды [шырмалды, ілінді] – сөзге қалды, сөзге ұрынды. Өсек тасыды [терді] – біреуді біреуге шағыстырды, даттады. Өсекті жүндей сабады – жалған сөзді үсті-үстіне төпеді. Өсекті қарша боратты [судай сапырды] – өтірік сөзді үсті-үстіне айтты, бұрқыратты