өсу
1. Өсімдіктің, шаш, сақал-мұрттың жетілуі. Бойлап өскен шөп, сақалы өсті. 2. Адамзат, жан-жануарлардың үлкеюі, ер, жетуі. Бота, құлын, бұзау, лақ, қозы тулап, Қуанып ойнақтайды олар да өсіп (Шәкәрім). 3. Сан жағынан арту, молаю. 1973 жылы Одақ бойынша жұмысшылар саны 2,5 миллион адамға өскен ("Қазақст. мект."). 4. ауыс. Қызмет дәрежесінің, атақ лауазымының жоғарылауы. Ол аудандық партия комитетінің бірінші секретарына дейін өскен кісі ("Қаз. әдеб".). 5. ауыс. Алға басу, өркендеу, ілгерілеу. "Абай" романы сияқты романдар тек есейген, өскен прозаның ортасынан шығады (Мұстафин). Өсе келе – дами келе, қалыптаса келе. Өспей өндіршегің үзілгір! (қарғ. ) – қыршыныңнан қиылғыр, желкең үзілгір!