өсімдік
Жер бетіне өніп-өсіп шығатын ағаш, бұта, шөп тәрізді тірі организмдер. Дәрілер алынатын өсімдіктер бес жүзден астам (С.Суханбердин). Өсімдік анатомиясы (биол. ) – өсімдіктердің органдары мен тканьдерінің микроскоптық құрылысын зерттейтін ботаниканың бір бөлімі. Өсімдік зиянкестері – өсімдіктің өсіп-өнуіне, зақым келтіретін немесе мүлде құртып жіберетін жәндіктер. Өсімдік кенесі – кенелер отрядына жататын кәдімгі өсімдік қоректі кенелердің бірнеше тұқымдасы. Өсімдік майы – алуан түрлі өсімдіктер дәнегінен техникалық жолмен алынатын табиғи өнім. Өсімдік морфологиясы – ботаника ғылымының өсімдіктердің дамуындағы сыртқы, ішкі құрылысын, форма түзілуі заңдылықтарын зерттейтін саласы. Өсімдік селекциясы – ауыл шаруашылық өсімдіктерінің жаңа сорттарын, гибридтерін шығаратын ғылыми әдісі