сетер мал
(Монғ. ) айрықша қастерлейтін, қадірлі, аяулы мал. Сетер сөзі бұл сөйленіске монғол тілінен (сэтэр) енген. Монғолдар ерте заманнан мал шаруашылығымен шұғылданатын ел. Сондықтан малды қадірлеп ұстайды. «Мал басының, адамдардың аман болуы үшін» деп діни ұғым тұрғысынан қалаған бір малының мойнына хадаг (өрнекті торғын шүберек, тұмар) сахиус байлайды. Бұл малды соймайды. Егер сетер малы түйе, сиыр, жылқы сияқты ірі қара мал болса, оны жұмысқа салмайды. қ. сетер 2.