сөре
1(Алм. : Кег. , Шел. ) қарақшы, белгіленген жер. Көкбуырыл с ө р е г е жетпей-ақ жұрт шулап қоя берді (Алм. , Кег. ). С ө р е г е тым болмаса бес-он минут бұрын барып, балаларды тосып алып, кім қанша уақытта келгендігін белгі соғу керек (Б. Соқ., 16 жас. чемп., 55)
2
1. (Рес. , Орын. ) ет ілетін ағаш. Соғым сойған кезде кемпірлеріміз с ө р е байлап бер деп тұратын (Орын. , Ад. ). 2. (Алм. , Балқ. ) балық кептіруге арнайы жасалған ағаш. Бірнеше бөрене ағаштарды қаз-қатар (ара қашықтығы 4-5 м) тікейте көміп, адам бойы еркін жететіндей біркелкі орнатады. Бөренелердің үстіңгі басына жіңішке сырық бекітеді. Балықтар с ө р е д е тұрып күн көзіне кепкеннен кейін, бұзылмайтын болады (Алм. , Балқ. )