ыстық үй
(Шығ.Қаз. , Ү-Н. ; Монғ. ) қабырғасын тастан, ағаштан, кірпіштен жасаған, сыртын сылаған, қыста отыратын жылы үй. Кірпіштен, ағаштан салынған ы с т ы қ ү й л е р (Шығ.Қаз. , Ү-Н. ). Келіп қайттым аз жатып Жамин үйге Жұмыс жоқ хаттан өзге ы с т ы қ ү й д е. Жаминнен үйге қайтып барғаннан соң Жолықтым сонан кейін әрбір күйге (Ақыт, 93). …қарсы алдымызда тұрған “қара күркені” айналып ы с т ы қ ү й г е баруға ыңғайсызданып, бұйырғаны болар” – деп, бұлт етіп түсе кеттік (М. Құрман., 218). Бізде үйі жыртылып тозған үш төрт адам бар. Бұлар Итбай, Есенбаймен, Таупиық. Олар қазір малда. Осыларға ы с т ы қ ү й салып беруіміз керек (М. Құрман., 54). қ. бәйшік.