адырна
зат. Қазақтың сыбызғы тәрізді көне үрлемелі музыкалық аспабы. Ұзындығы шамамен 60—70 см-дей. Дыбыс шығаратын жалғыз тесігі болған, осыған қарамастан оның дыбыс күші зор екені байқалады. Ертеде жаугершілікте, аңшылықта қолданылған. Адырнамен құстың, түрлі аңның даусын, бұғының шақырғанын айнытпай салғанда, олар аңшыға жақындап келген. Адырнаны ел ішінде «Бұғы шақырғыш», «Бұғы сыбызғысы» деп те атайды.
зат.
Садақтың керме қайысы. Өгіздің жон терісінен жасалады да, садақ ағашының екі басын иіп ұстап тұрады. Осыдан садақ серіппелі болады. «Адырнасын ала өгіздей мөңіреткен, Атқан оғы Еділ-Жайық тең өткен» (Махамбет). Адырна түркі, моңғол тілдеріндегі «адар» (немесе «адыр») сөздерімен төркіндес.