айбалта
зат. Ұзын сапты, өткір жүзді, жарты ай бейнесіндегі соғыс қаруы. Ежелгі Мысыр заманынан бері белгілі. Айбалтаның алғашқы үлгілері батыс пен шығыстың басқа елдерінде де кездеседі. Орта Азия мен Қазақстанға айбалта ең бері дегенде XIV—XV ғасырларда тараған. Сабының ұңғыдан өтер екі жағы темір құрсаумен шегенделеді. Жергілікті ұсталар айбалтаны қазақтың қошқар мүйіз ою-өрнектерімен безеуді ерекше өнерге айналдырған.