айгөлек
зат. Қазақтың ұлттық ойыны. Ойнаушылар екі топқа бөлінеді, қаз қатар қол ұстасып, құлаштарын керіп тұрады. Бір топтың ойын бастаушысы өлеңмен «айгөлек-ау; айгөлек, айдың жүзі дөңгелек...» деп 2-ші топтың бір адамының атын атап шақырады. Ол адам бар пәрменімен жүгіріп келіп шақырған топтың тізбегін үзіп өтуге тиіс. Егер ол үзіп өтсе, осы топтың бір адамын алып кетеді, үзе алмаса, өзі осында қалады. Ойын екі топтың біреуінің адамы таусылғанда аяқталады. Адамы таусылған топ жеңілген болып есептеледі.