айылбас
зат. диал. Айылдың, тартпаның, белдіктің, белбеудің, сағат бауының Т.б. бір ұшындағы тілшелі металл доға. Айылдың екінші жағы айылбасқа еніп, ондағы тілше арқылы бекиді. Алғашқы кезде байлауға ыңғайланған тілшесіз айылбас айылдық материалдың өзінен істелетін. Кейінірек оған айылды тартып тұратын ағаш не сүйек тілше салынған. Бертін келе айылбас тілшесі мен доға металдан, пластмассадан жасалатын болды.