арқан есу
Жіптерді қосып есу арқылы бұрау. Әуелі жүн түтіліп, қылмен араластырылады да, жіп есіледі. Бұдан соң ол екі қабатталып, арқан тілі шығарылады, бұрауға әзірленеді. Керегенің көзінен өткізілген арқан тілдері үш тармақталып сырттан шөмішпен шиыршықталып, іштен ұштары біріктіріліп бұралады. Арқанның жуан, жіңішкелігі — тілінің санына, беріктігі — неден есілгеніне байланысты. Кей жерлерде арқан есу «арқан бұрау» деп те аталады.