аттарақ
зат. Жылқы түгіне жабысып, сор болып кеуіп қалған тұзды үгіп түсіру үшін пайдаланылатын тарақ. Оны жасау үшін жіліншік сүйекті қақ жарып, ағаштың аша бұтағына шегелеп, егеумен тіс, жүз салады.
зат.
Аттың жал-құйрығын сүзіп тарайтын құрал. Алғашында ағаштан жасалып, қолға ұстайтын сабы болса, кейінірек сүйектен немесе мүйізден жасалған. Қазіргі аттарақтың металл тістері дөңгелек қалақшаға қағылып қойылады. Қалақшаның сыртында қолға киетін жалпақ баулық болады.