белдесу
ет. Қазақша күресте екі балуанның бір-бірін құшаққа ала белден орай ұстау әдісі. Белдесуден барып бұрау, жамбасқа алу, іштен, сырттан, қырқа шалу, үйіру тәсілдерін қолданады. Кей жерлерде әдіс қолдану бір немесе екі қолмен белден ұстаудан басталатын болғандықтан, қазақша күресті «белдесу» деп те атайды. Белдескен кезде қолды тартып ұстауға болмайды. Бул саусақтарға өте қауіпті. Саусақтарды құлыптай немесе білекті орай, ал белбеу байланған жағдайда содан ұстаған жөн. Белдесу әдісі тек қазақша күресте ғана емес, дүние жүзі елдеріне тараған еркін, классикалық, самбо күрестері шеберлерінің жекпе-жектерінде де пайдаланылады.