боза
зат. Дәнді дақылдардан ашытып жасалған сусын, ішімдік. Боза құрамында жарма, ашытқы, су болады. Диірменге тартылған жарма (сақ) суға қайнатылып, қою ботқа жасалады, оған ашытқы (суға бөрттіріп өндірген тары, бидай, арпадан жасалған уыт) қосылады. Ол 6—8 сағата ашиды, бұған қайнаған су қосып араластырады да, таза ыдысқа сүзіп алады. Боза сақталуына және дайындалу технологиясына қарай жас боза және қорланған боза деп аталады. Жас бозаның күші 4—6, қорланған бозада 12— 15 градус болады. Бозаның жай ашытқымен жасалған (уытсыз) түрін «мақсым» дейді. Боза қырғыз, қазақ халықтарының ұлттық ішімдігі.