бүркіт
зат. Таулы, далалы жерлерді мекендейтіл тегеуріні қатты ірі жыртқыш құс. Түсі қара қоңыр, салмағы 2840—4100 г, дене тұрқы 95 см-ге, жайған қанаты 2 метрге дейін болады. Қанатының шеткі қауырсындарын шалғысы деп, ал құйрығының ортасындағы екі қабат әлді қауырсынын көбесі, қалғандарын жебесі деп атайды. Аяғы 4 саусақты, оның артқысын тегеуріні, ішкісін жембасар, ортаңғысын сығымы, шеткісін шеңгелі дейді.