гүрзі
ар. зат. Ерте замандағы соғыс және аң аулау құралы; шоқпар, темір шоқпар. Палеолит дәуіріндегі алғашқы адамның негізгі құралы болған сойылдың күрделіленген түрі. Салмағы ауыр. Мықты ағаштан жасалып, жуан басы қоламен, кейінірек темірмен қапталған. Ертеде палица, булава аталып орыстың жаяу әскерінің құралы, кейіннен билік белгісі болған. Қазақта гүрзі батырлар жырында, кейде ескі діни түсініктерде кездеседі. Мысалы, діндар адамдар гүрзіні жаңа жерленген өліктен сұрақ алуға келген періштелердің қолындағы шоқпар мағынасында түсінген.
ар. зат.
Күрзі.