ергенек
зат. Киіз есіктің тосқауыл ағашы. Ергенекті жасау үшін екі таяныш немесе жақтау ағаш алады да, оны қашаумен тесіп жиілігін 10—15 см етіп жіңішке шабақ өткізеді. Биіктігі 1 — 1,5 метрдей болады. Бір жағын есіктің бір босағасына байлап, киіз үйдің шиден, киізден жасалған есігінің сыртынан бастырады. Оның екінші жақтауын босағаға байлап бекітеді немесе құрдан, жіңішке жіптен, қайыстан жасалған бауға іліп қояды.