ешкі
зат. Мүйіз қуыстылар тұқымдасына жататын аша тұяқты, күйіс қайыратын мал. Ешкінің мүйізі қырлы, дене бітімі жеңіл, жүрісі ширақ, құйрығы қысқа (ұзындығы 8—12 см), сақалшасы сирек, маңырағанда дауысы жіңішке. Көбінің шоқтығы үшкір, биік келеді. Ешкінің түбіті, жүні, терісі, еті мен сүті пайдалы. Сүтінің сапасы сиыр сүтінен артық. Ешкі — ең бірінші қолға үйретілген үй жануарларының бірі.